Books by Dr. Saadawi and Dr. Hetata

1- د. شرف الدين. التمورجى شهدى. عامل يحتضر. (فى حجرة الطبيب بالمصنع بها سرير).

2- د. توفيق. د. شرف الدين (فى حجرة الطبيب بالمعمل. بها ميكروسكوب).

3- د. فهيم فهمى. الوالى (فى مكتب الوالى الفاخر).

4- د. فهيم. د. شرف الدين (فى حجرة الطبيب بالمعمل. بها ميكروسكوب).

5- د. توفيق. د. شرف الدين (فى نفس الحجرة السابقة).

6- د. شرف الدين. التمورجى شهدى. عامل يحتضر. (فى حجرة الطبيب بالمصنع بها سرير).

7- التمورجى شهدى يسير حأملا على كتفيه عاملا. المسرح خالى ومظلم. (موسيقى حزينة).

8- امراة ترتدى السواد تجرى مهرولة وتجتاز المسرح ومن خلفها أطفال يجرون خلفها.

9- اصوات تسمع فقط (حسب النص) المسرح خالى ومظلم.

المسرح مظلم

تستمر الموسيقى الحزينة خلال الاستراحة والمسرح يظل مظلم.

1- طفل صغير يجلس وحيدا على خشبة المسرح. المسرح مظلم وخالى.

المسرح يمتلئ بالمارة فى كل اتجاه. المسرح يضئ.

2- د. فهيم. زوجته تفيدة. (فى حجرة نومها الفاخرة).

3- التمورجى شهدى. د. شرف الدين يحتضر. د. توفيق (فى حجرة الطبيب بالمصنع بها سرير).

8- نادرة. شهدى. شرف الدين. فهيم. توفيق. تفيدة. السجان. الوالى يدخلون المسرح بهذا الترتيب ويخرجون منه بهذا الترتيب. نادرة فى المقدمة. والوالى فى المؤخرة.

د. شرف الدين. ود. توفيق. ود. نادرة يظهرون دائما بالبالطو الأبيض.

د. فهيم فهمى يرتدى حلة أنيقة بغير بالطو أبيض. الملابس الأخرى حسب الشخصية.

بسيط للغاية. سرير. ميكروسكوب. كراسى. فيما عدا الأثاث الفاخر الآخر.

د. شرف الدين طبيب المصنع جالس الى مكتبه. يدخل التمورجى شهدى حأملا أحد العمال بساعده اثنان من العمال. يضعون المريض على السرير. د. شرف الدين يسرع الى إسعافه. شهدى يساعده. المريض فى حاله سيئة يتنفس بصعوبة شفتاه زرقاوان.

هات لى حقنة كورامين بسرعة.	:	د. شرف الدين
حاضر يا دكتور.	:	شهدى
يجرى شهدى. يحضر الحقنة. وشرف الدين يعطيها للمريض فى ذراعه.
العاملان لا يزالان يقفان. ينظران الى زميلهما المريض فى حزن.
اتفضلوا انتم يا رجاله شوفوا شغلكم عشان احنا نشوف شغلنا.	:	شهدى
فيه أمل يا عم شهدى.	:	أحد العمال
طول ما هو بيتنفس يبقى فيه أمل.. ما فيش أمل ازاى.. فيه أمل.. فيه………	:	شهدى
يخرج العملان
د. شرف الدين يجس النبض.
هات كمان حقنة يا شهدى.	:	د. شرف الدين
شهدى يجر ويحضر الحقنة.
المريض يموت قبل ان يأخذ الحقنة الثانية.
د. شرف الدين يقفق أمامه حزينا ممسكا بالحقنة فى يده.
شهدى يغطى الميت بالملاءة.
الاثنان يقفان فى صمت وحزن.
البقية فى حياتك يا دكتور. الموت مكتوب علينا ما حدش بيموت ناقص عمر.	:	شهدى
أيوه.	:	د. شرف الدين
بس انا بفكر فى ولاده ومراته. كان هو اللى بيجرى عليهم ويوكلهم. مالهومش حد غيره. حيعملوا ايه بعد ما راح.	:	شهدى
لازم نجمعلهم حاجة يا شهدى لغاية ما يصرفوا المعاش……	:	د. شرف الدين
معاشه ما يصرف على عيل وأحد من خمسة ربنا معاهم. انا حلملهم من العمال قرشين لحد ما ربنا يفرجها……	:	شهدى
يسكت لحظة.
انا لسه لامم منهم الأسبوع اللى فات عشان ولاد المرحوم متولى وقبل كدة لميت منهم عشان…
يسكت لحظة.
أهو كله بثوابه. ما فيش حاجة بتضيع. القرش اللى تدفعه النهاردة بيتحوش لولادنا بكرة. حد عارف بكرة حيحصل إيه.
يعود الى حيث يجلس د. شرف الدين ساهما حزينا.
عاوز اقولك حاجة يا دكتور.	:	شهدى
إيه يا شهدى.		د. شرف الدين (بصوت حزين)
أنا ملاحظ.		شهدى
ملاحظ إيه يا شهدى.		د. شرف الدين
ده رابع وأحد يموت الشهر ده يا دكتور.		شهدى
إيوه الرابع يا شهدى.		د. شرف الدين (بصوت قلق).
قبليه كان محمد وقبله كان على …… ومتولى.		شهدى
أيوه يا شهدى.		د. شرف الدين
أنا ما بقولش حاجة يا دكتور. الأعمار بيد الله لكن انا لاحظت إن كلهم.		شهدى
كلهم ايه يا شهدى		د. شرف الدين (ينهض)
مش عارف يا دكتور. هو حضرتك ما لاحظتش إنهم الأربعة تقريبا……		شهدى
تقريبا إيه يا شهدى.		د. شرف الدين (قلق)
بقول يعنى تقريبا ماتوا موته وأحدة.		شهدى
شهدى يبدو عليه التوتر والقلق.
انت كمان لاحظت يا شهدى. أنا كنت با كدب نفسى واقول إنها جايز تكون صدفة لكن انت كمان لا حظت.		د. شرف الدين
أيوه لا حظت يا دكتور.		شهدى
قولى لا حظت ايه.		د. شرف الدين
شفايفهم يا دكتور ازرقت.		شهدى
هيه … وإيه كمان؟		د. شرف الدين
الدكتور يكشف الملاءة عن وجه العامل الميت الراقد على السرير.
ينظر فى وجهه لحظة ثم يغطيه.
لما محمد شفايفه ازرقت قلت لازم من رطوبة المصنع والدنيا شتا وهو طول عمرة خفيف وما يستحملش حاجة. ولما "على" شفايفه ازرقت قلت يمكن برضه الشتا ورطوبة البلاط اللى بيقف عليه سبع ساعات. ولما متولى راخر قلت إيه الحكاية. والنهاردة. الرابع فى شهر وأحد. الفار لعب فى عبى.		شهدى
د. شرف الدين يمشى فى قلق شديد وتوتر. يفكر.
أنا برضه شكيت.		د. شرف الدين
شكيت فى إيه يا دكتور؟		شهدى
شرف الدين صامت لا يرد.
طمنى يا دكتور عشان أطمن العمال أحسن……		شهدى
أحسن إيه. حد منهم لاحظ كمان؟		د. شرف الدين
حضرتك عارف يادكتور العمال مشغولين على الآخر وكل وأحد منهم ملهى فى حاله وعياله.. كل وأحد فيهم مش لا حق ياخذ نفسه عشان يجيب لقمة العيش لولاده. لو طب اللى واقف جنبه ما حدش حيلاحظ حاجه. أنا يا دكتور اللى لاحظت الزرقان الغريب ده فى الشفايف.		شهدى
ولاحظت إيه كمان يا شهدى؟		د. شرف الدين
ما فيش غير زرقان الشفايف. هو إيه ده يا دكتور؟ مرض ده وإلا إيه؟		شهدى
ما لاحظتش الكحة تانى يوم؟		د. شرف الدين
لا يا دكتور. أصلهم كلهم بيكحوا. فيه حد ما بيكحش كحة طبيعية كدة أو كحة سيجاير.		شهدى
لابس دى كحة من نوع تانى. زى ما يكون حاجة مشروخة فى السدر. وثالث يوم نفسهم ينكرش.		د. شرف الدين
دى حاجة غريبة يا دكتور. تفتكر هم الأربعة ماتوا بعيا وأحد.		شهدى
ده اللى مخوفنى يا شهدى. وعشان كده لازم آخذ عينة من الرئه المرة دى وابعتها المعمل عشان تتفحص هات لى مشرط يا شهدى.		د. شرف الدين
حاضر يا دكتور.		شهدى
يناوله المشرط. د. شرف الدين يكشف صدر الميت ويأخذ العينة.

د. توفيق فى مكتبه. جالس وأمامه الميكروسكوب. ينظر فيه. د. شرف الدين واقف الى جواره.
تعالى ياشرف الدين بص كده.	:	د. توفيق
ينظر فى الميكروسكوب.	:	د. شرف الدين:
شايف إيه؟	:	د. توفيق
شرف الدين يرفع وجهه الى توفيق فى صمت وقلق.
إيه؟ شفت إيه؟ ساكت ليه؟		د. توفيق
أنا مش ساكت.		شرف الدين
ما انت ساكت اهه.		توفيق
بس عاوز أتأكد تانى.		شرف الدين
د. شرف الدين ينظر مرة أخرى فى الميكروسكوب.
باينه زى الشمس.		د. توفيق
الزر..		شرف الدين
الزرقا.		توفيق
الزرقا.		شرف الدين
أيوه الزرقا.		توفيق
المسألة تبقى خطيرة يا توفيق.		شرف الدين
طبعا خطيرة. أنا مش عارف الميكروب ده جه للمصنع منين؟		توفيق
يمكن من دفعه الأرانب الأخيرة اللى جت من استراليا.		شرف الدين
لازم هى دفعة الأرانب الأخيرة. وحتعمل إيه يا شرف الدين؟		توفيق
دى مشكله كبيرة. الزرقا مرض معدى. الأرانب تنقله للإنسان فى ثلاث ايام يكون انتهى…		شرف الدين
ومالوش علاج لغاية النهاردة.		توفيق
مافيش علاج … لكن ممكن نحمى العمال من العدوى.

Books by Dr. Saadawi and Dr. Hetata

الــــزرقــاء

مسرحية من فصلين

9 مشاهد

المسرح مظلم